| 
जनमतद्वारा मधेश प्रदेश सभाको बैठक अवरुद्ध
डेटूडे खबर डेस्क
०६ फाल्गुण २०८०
जनकपुरधाम । जनमत पार्टीले मधेश प्रदेश सभाको बैठक अवरुद्ध गरेको छ ।
मुख्यमन्त्री सरोजकुमार यादवले प्रदेश सभाबाट विश्वासको मत लिने कार्यसूची रहेको थियो ।
बैठक प्रारम्भ भएपछि जनमत पार्टीका प्रदेश सभाका सदस्यहरूले उठेर विरोध जनाएका थिए ।
प्रदेश सभा सदस्य चन्दन सिंहले मधेश प्रदेशका मन्त्री र प्रदेश सभाका सदस्यहरूमाथि कृषि विश्वविद्यालयको शिलान्यास कार्यक्रममा प्रहरीले लाठी चार्ज गरेको र त्यहाँ स्वयं मुख्यमन्त्री समेत उपस्थिति रहेका कारणले उनले माफी नमागेसम्म प्रदेश सभाको बैठक चल्न नदिने बताएपछि बैठक १० मिनेटको लागि स्थगित गरिएको छ ।
सभामुख रामचन्द्र मण्डलले मुख्यमन्त्री विश्वासको मतको क्रममा आफ्नो धारणा राख्ने नै भएपछि तत्काल बैठक सुचारु गर्न आग्रह गरेका थिए । तर, जनमतका प्रदेश सभा सदस्यहरूले उठेर विरोध जनाएपछि बैठक स्थगित गरिएको छ ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
10 दिन पहिले
