सडक दुर्घटनामा एकको मृत्यु

डेटूडे खबर डेस्क
१४ कार्तिक २०८१

जनकपुरधाम । सिरहा जिल्लामा सडक दुर्घटनामा परी एक जनाको मृत्यु भएको छ भने एक जना घाइते भएका छन् । सिरहा नगरपालिका–११ स्थित भलुवाहीमा मंगलबार दिउँसो भएको मोटरसाइकल दुर्घटनामा त्यसमा सवार एक जना घाइते भएका छन् ।
दुर्घटनामा परी मोटरसाइकल चालक कर्जन्हा नगरपालिका–५ का २० वर्षीय रुपेश महतोको मृत्यु भएको जिल्ला प्रहरी कार्यालय सिरहाले जनाएको छ । यस्तै, मोटरसाइकलमा पछाडि सवार विष्णुपुर गाउँपालिका–१ का ३२ वर्षीय प्रदीपकुमार पासवान घाइते भएको प्रहरीले जनाएको छ ।
सिरहाबाट चोहर्वातर्फ जाँदै गरेको प्र ०१–०२–०१ प ०४३४ नम्बरको मोटरसाइकल अत्यधिक गतिका कारण अनियन्त्रित भई कल्भर्टमा ठोक्किएको थियो । त्यसपछि घाइते भएका दुवै जनालाई सिरहास्थित प्रादेशिक अस्पताल लगिएको थियो ।
अस्पतालले महतोलाई मृत घोषणा गरेको तथा दुवै खुट्टामा चोट लागेका पासवानलाई प्राथमिक उपचारपछि थप उपचारका लागि विराटनगर पठाइएको जिल्ला प्रहरी कार्यालय सिरहाका प्रवक्ता तथा डीएसपी वीरेन्द्रकुमार पासवानले बताए ।

सडक दुर्घटनामा एकको मृत्यु

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !

सम्बन्धित पोस्ट

हाम्रो टिम

संचालक/सम्पादक:

रिपोर्टर:

ध्रुव कुमार झा

व्यवस्थापक/डेस्क:

फेसबुक पेज !