| 
प्रदेश २ का सभामुखको गुनासो : मेयरहरु राजा भए
डेटूडे खबर डेस्क
२० आषाढ़ २०७८
२० असार, सप्तरी । प्रदेश २ का सभामुख सरोजकुमार यादवले स्थानीय तहका प्रमुखहरु जनसेवक बन्न नसकेको बताएका छन् । संघीयता आएपछि गाउँगाउँमा सिंहदरबार आउने भनिए पनि स्थानीय तहमा राजदरबार आएको उनले टिप्पणी गरे ।
सप्तरी जिल्लासभालाई आइतबार राजविराजमा सम्बोधन गर्दै सभामुख यादवले स्थानीय तहका प्रमुखहरु राजाभन्दा कम नरहेको आरोप लगाए । ‘संघीयता आएपछि सिंहदरबार गाउँमै आउने चर्चा थियो,’ उनले भने, ‘सिंहदरबार त आएन राजदरबार चाहिं आयो ।’
