| 
चार दिन लगातार घटेको शेयर बजार आज तीन अङ्कले बढ्यो
डेटूडे खबर डेस्क
१३ माघ २०७८
जनकपुरधाम । चार दिनसम्म लगातार घटेको शेयर बजार काराेबार हुने हप्ताको अन्तिम दिन भने सामान्य बढेको छ । शेयर बजार परिसूचक नेप्से आज बिहीवार तीन दशमलव २९ अङ्कले बढेर दुई हजार सात सय ७९ दशमलव ९३ विन्दुमा पुगेको छ ।
आज निर्जीवन बीमा समूहकाे शेयर सबैभन्दा धेरै एक सय ३२ अङ्कले बढ्दा फाइनान्स, जलविद्युत्, उत्पादन, अन्य समूहको शेयर सामान्य बढेको छ । फाइनान्स समूहकाे शेयर १४, जलविद्युतकाे पाँच, उत्पादनकाे २५ र अन्य समूहकाे शेयर १७ अङ्कले बढेकाे छ ।
आज ६६ लाख ७५ हजार कित्ता शेयर तीन अर्ब ३४ करोड रुपैयाँमा कारोबार भएकाे छ । सबैभन्दा धेरै नेशनल लाइफ इन्स्याेरेन्सको २० करोड रुपैयाँको शेयर किनबेच भयो ।
विन नेपाल लघुवित्त र बुद्धभूमि हाइड्रोको शेयर आज पनि १० प्रतिशतले बढेको छ । सप्तकोसी विकास बैंकको शेयर भने चार प्रतिशतभन्दा धेरैले घटेको छ ।
अन्तिम अपडेट: माघ १३, २०७८
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
10 दिन पहिले
