| 
मधेश प्रदेशको स्थायी संरचना निर्माण गर्न जग्गा खोजी कार्य गर्न सुरु
डेटूडे खबर डेस्क
१८ माघ २०७८
जनकपुरधाम । नाम र प्रदेशको राजधानी टुंगो लागेपछि मधेश प्रदेश सरकारले आफ्नो स्थायी संरचना बनाउन जग्गा खोजी कार्य गर्न थालेको छ ।
प्रदेशको प्रशासनिक भवन, मुख्यमन्त्री र मन्त्रीहरुको निवास, प्रदेश सभा सचिवालय निर्माणका लागि जग्गा खोजी गर्न अध्ययन समिति गठन गरिएको अर्थ मन्त्री शैलेन्द्र साहले बताए ।
मंगलबार बसेको प्रदेश मन्त्रिपरिषद् बैठकले भौतिक पूर्वाधार तथा विकासमन्त्री रामसरोज यादवको संयोजकत्वमा पाँच सदस्यीय समिति गठन गरिएको छ ।
समितिले राजधानी तोकिएको ठाउँहरुमा गएर जग्गाको बारेमा अध्ययन गर्नेछ । उत्तरमा धनुषाको ढल्केबर र पूर्व पश्चिम राजमार्ग, पूर्वमा कमला नदी, दक्षिणमा नेपालको सिमाना र पश्चिममा मिथिला माध्यमिक परिक्रमासहित जनकपुरधाम राजधानी तोकिएको छ ।
मन्त्री साहले तोकिएको ठाउँभित्रै जग्गा खोजेर स्थायी संरचना निर्माण गर्ने बताए ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
8 दिन पहिले
