एसईई वैशाख ९ गतेदेखि गर्ने राष्ट्रिय परीक्षा बोर्डको निर्णय

डेटूडे खबर डेस्क
२६ माघ २०७८

जनकपुरधाम । बुधबार बसेको राष्ट्रिय परीक्षा बोर्डको बैठकले माध्यामिक शिक्षा परीक्षा (एसईई) वैशाख ९ गतेदेखि गर्ने निर्णय गरेको छ ।

स्थानीय तह चुनावको मितिसँग एसईईको तालिका नजुधोस् भनेर निर्वाचनको मिति पर्खेर एसईईको परीक्षा मिति तोकिएको हो ।

बैठकले परीक्षाको समयतालिका बिहीबारको गोरखापत्र र बोर्डको वेबसाइटमा सार्वजनिक गर्ने पनि निर्णय गरेको छ ।

बोर्डको निर्णयसँगै विद्यार्थीलाई अध्ययनका लागि दुई महिना समय मिलेको छ ।