| 
मर्यादितरूपमा होली पर्व मनाउन प्रधानमन्त्रीको आग्रह
डेटूडे खबर समाचारदाता
०३ चैत्र २०७८
काठमाडौं : प्रधानमन्त्री शेरबहादुर देउवाले विविधताबीचको एकता नेपालीको पहिचान बनेको बताएका छन्। फागुपूर्णिमा (होली)को अवसरमा स्वदेश तथा विदेशमा रहेका नेपालीलाई सुख, शान्ति तथा समृद्धिको शुभकामना व्यक्त गर्दै उनले होलीमा खेलिने विविध रङहरूजस्तै नेपाली समाज पनि जातीय, भाषिक र सांस्कृतिकरूपमा विविधतापूर्ण रहेको बताएका हुन्।
कांग्रेस सभापति समेत रहेका देउवाले समाजमा विद्यमान विभिन्न प्रकारका विकृति, विसङ्गति एवं कुरीतिलाई निर्मूल गर्दै न्यायपूर्ण, सभ्य र सुसंस्कृत समाज निर्माण गर्न होली पर्वबाट सबैमा प्रेरणा मिल्ने विश्वास व्यक्त गरे। उनले कोभिड–१९ को सङ्क्रमण अझै पूर्णरूपमा नियन्त्रण भइनसकेको अवस्थामा स्वास्थ्यका मापदण्ड पालना गर्न आग्रह गरेका छन्। देउवाले मर्यादितरूपमा होली पर्व मनाउन आग्रह गरेका छन्।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
9 दिन पहिले
