| 
हप्तामा दुई दिन बिदा आजदेखि कार्यान्वयन
डेटूडे खबर डेस्क
०१ जेठ २०७९
हप्तामा दुई दिन बिदा दिने सरकारको निर्णय आजदेखि कार्यान्वयन भएको छ । अब शनिवार र आइतवार बिदा हुुनेछ ।
प्रशासन क्षेत्रमा कार्यघण्टा बढेको छ । शनिवार र आइतवार बिदा हुने भएपछि कार्यालय समय बिहान साढे नौ बजेदेखि बेलुका साढे पाँच बजेसम्म हुनेछ । शिक्षण संस्थामा शुक्रवारको आधा दिन हुँदै आएको छुट्टी बढाउने र वार्षिक बिदा कट्टा गरेर पठनपाठन हुनेछ ।
अन्तर्राष्ट्रिय बजारमा पेट्रोलियम पदार्थको मूल्य बढ्न थालेपछि नेपालमा पनि त्यसको प्रत्यक्ष प्रभाव परेको छ । इन्धन खपत घटाउने विकल्पका रूपमा सरकारले हप्तामा दुई दिन बिदा दिने निर्णय गरेको हो ।
यसअघि पनि सरकारले २०४७ र २०५६ सालमा केही समयका लागि हप्ताको दुई दिनको बिदा दिने अभ्यास सुरु भएको थियो । त्यसबाट सेवा प्रवाहमा कठिनाइ भएको गुनासोपछि सरकारले फिर्ता लिएको थियो ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
9 दिन पहिले
