डेटूडे खबर डेस्क
  ०५ आषाढ़ २०७९

                            
भारत र दक्षिण अफ्रिकाबीचको पाँचौं तथा अन्तिम टी–२० खेल आज बैंगलोरको एम चिन्नास्वामी स्टेडियममा हुँदैछ । पाँच खेलको सिरिज अहिले २–२ को बराबरीमा छ । आज टीम इन्डियासँग इतिहास रच्ने मौका छ। हालसम्म भारतीय टोलीले दक्षिण अफ्रिकालाई टी–२० सिरिजमा हराउन सकेको छैन ।
दक्षिण अफ्रिका पहिलो पटक सन् २०१५-१६ मा भारतमा टी–२० सिरिज खेल्न आएको थियो । त्यो ३ खेलको सिरिजमा भारत २–० ले पराजित भएको थियो । पछिल्लो टी–२० खेल वर्षाका कारण रद्द भएको थियो । त्यस सिरिजको कप्तान भने सिरिजमा टिमको कप्तान महेन्द्र सिंह धोनी थिए ।
यसपछि दक्षिण अफ्रिकाको टोली २०१९-२० मा टी–२० सिरिज खेल्न भारत आएको थियो । त्यस सिरिजमा भारतीय टोलीको कप्तान विराट कोहली थिए । ३ खेलको शृङ्खला १–१ को बराबरीमा रहेको थियो भने यो सिरिजमा पनि एक खेल वर्षाका कारण रद्द भएको थियो ।
अब आज पहिलो पटक टिम इन्डियाको कप्तानी गर्दै आएका ऋषभ पन्तसँग खेल जित्ने र इतिहासमा आफ्नो नाम दर्ता गर्ने सुनौलो अवसर छ ।