डेटूडे खबर समाचारदाता
  १२ आषाढ़ २०७९

                            

काठमाण्डौ – शिक्षा, विज्ञान तथा प्रविधि मन्त्री देवेन्द्र पौडेलले कक्षा ८ सम्मको दिवा खाजाका लागि अर्थ मन्त्रायले बजेट नदिएको गुनासो गर्नुभएको छ ।

आज आइतवार राष्ट्रिय सभाको बैठकमा विनियोजन विधेयक २०७९ अतर्गत सांसदहरूले उठाएका प्रश्नको जवाफ दिँदै शिक्षामन्त्री पौडेलले यस्तो बताउनुभएको हो । उहाँले मन्त्रालयले कक्षा ८ सम्म नै दिवा खाजाको व्यवस्था माग गरेर अर्थ मन्त्रालयलाई पत्र पठाएको बताउनुभयो ।
मन्त्री पौडेलले सरकारले आउँदो आर्थिक वर्षका लागि प्रस्तुत गरेको नीति तथा कार्यक्रममा कक्षा ८ सम्म दिवा खाजा पु¥याइने भने पनि बजेट प्रस्तुत हुँदा कक्षा ६ सम्म पु¥याउने गरी भन्ने भाषाको प्रयोग गरिएको बताउनुभयो । उहाँले मन्त्रालयले कक्षा ८ सम्म नै दिवा खाजाको व्यवस्था माग गरेर अर्थ मन्त्रालयलाई पठाएको पनि बताउनुभयो ।
मन्त्री पौडेलले शिक्षासम्बन्धी हरेक कुरा प्रविधीमैत्री बनाउन मन्त्रालय प्रतिबद्ध रहेको बताउनुभयो । सबै क्षेत्रमा पेपरलेस (कागजविहीन) प्रविधि अघि बढाउने कुरा मन्त्रालयको प्राथमिकतामा रहेको उहाँको भनाइ छ ।