| 
घरेलु टोली इङ्ल्यान्डलाई भारतले हराए संगै सिरिज कब्जा
डेटूडे खबर डेस्क
२६ आषाढ़ २०७९
इङ्ल्यान्डसँगको तीन खेलको टी–२० श्रृङ्खला भारतले एक खेल अगाडि नै जितेको छ ।
बर्मिङ्घममा गएराति भएको दोस्रो टी–२० मा इङ्ल्यान्डलाई ४९ रनले हराउँदै भारतले श्रृङ्खला २–० ले जितेको हो ।
भारतले दिएको १ सय ७१ रनको लक्ष्य पछ्याएको इङ्ल्यान्ड १७ ओभरमा १ सय २१ रन बनाउँदा अलआउट भयो । इङ्ल्यान्डका मोइन अलीले सर्वाधिक ३५ रन जोडे । त्यस्तै डेविड विलिले अविजित ३३ रन बनाए ।
भारतका भुवनेश्वर कुमारले ३ तथा जस्प्रित बुमराह र युजभेन्द्र चाहलले २/२ विकेट लिए । त्यसअघि पहिले ब्याटिङ गरेको भारतले २० ओभरमा ८ विकेट गुमाएर १ सय ७० रन बनाएको थियो । भारतका लागि रविन्द्र जडेजाले अविजित ४६ रन बनाए । त्यस्तै कप्तान रोहित शर्माले ३१ रन जोडे ।
इङ्ल्यान्डका क्रिस जोर्डनले ४ तथा रिचार्ड गिल्सनले ३ विकेट लिए । यसअघि पहिलो खेलमा भारत ५० रनले विजयी भएको थियो । तेस्रो तथा अन्तिम टी–२० आज हुनेछ ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
8 दिन पहिले
