| 
टी–२० विश्व कप : आयरल्यान्ड र अफगानिस्तानको खेल वर्षाका कारण रद्द
डेटूडे खबर डेस्क
११ कार्तिक २०७९
टी–२० विश्व कप अन्तर्गत आयरल्यान्ड र अफगानिस्तानबीचको खेल रद्द भएको छ । बिहान पौने १० बजे हुने भनिएको खेल वर्षाका कारण रद्द भएको हो।
यी दुईबीचको खेल टस नभइ रद्द भएको क्रिक इन्फोले जनाएको छ । मेलवर्नमा लगातार पानी परेपछि सुपर १२ अन्तर्गत समूह 'ए' मा रहेका यी दुई टिमबीचको खेलको टससमेत हुन सकेन।
खेल रद्द भएपछि दुवैले १–१ अङ्क पाएका छन् । तीन खेलमा तीन अङ्क जोडेको आयरल्यान्ड समूह 'ए' को दोस्रो स्थानमा छ । समान अङ्क रहेको न्युजिल्यान्ड राम्रो नेट रनरेटका आधारमा शीर्ष स्थानमा छ । अफगानिस्तान २ अङ्कका साथ पुछारमा छ ।
यस्तै, आज सूमह 'ए' कै अस्ट्रेलिया र इङ्ल्यान्ड दिउँसो पौने २ बजे खेल्दैछन् । खेल मेलवर्नमा हुनेछ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
8 दिन पहिले
