| 
जनकपुरधाममा जलेको अवस्थामा एक युवती र बालिकाको शव फेला
डेटूडे खबर डेस्क
०६ वैशाख २०८१
जनकपुरधाम । जनकपुरधाममा जलिरहेको अवस्थामा एक युवतीको शव फेला परेको छ । जलेकै अवस्थामा भेटिएकी आठ महिनाकी बालिकाको उपचारको क्रममा ज्यान गएको छ । उपमहानगरपालिका–१६ कपिलेश्वरमा गएराति युवतीको शव जलिरहेको अवस्थामा फेला परेको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक रञ्जन अवाले जानकारी दिए ।
उनका अनुसार युवतीको शव नजिकै रहेकी एक बालिकाको पनि जीवितै उद्धार गरिएको थियो । तर जीवितै उद्धार गरिएकी बालिकाको जनकपुरधामको प्रादेशिक अस्पतालमा उपचारका क्रममा ज्यान गएको छ ।
ज्यान गुमाउने युवती महोत्तरी मनरासिसवाकी अन्दाजी २२ वर्षीया प्रियंका महतोको रहेको डीएसपी अवाले बताए । युवतीको शव पोष्टमार्टमका लागि प्रादेशिक अस्पताल जनकपुरधाममा राखिएको छ । घटनाबारे अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
_1714402715.jpg)
विद्यार्थी बोक्ने गाडीको गति प्रतिघण्टा ४० किमि, उल्लंघन गरे यस्तो छ कारबाही
समाचार, शिक्षा
2 दिन पहिले
