डेटूडे खबर डेस्क
  २५ पौष २०७८

                            
जनकपुरधाम, २५ पुष । आइतवार देशका सुदुरपश्चिम प्रदेश, कर्णाली प्रदेश, गण्डकी प्रदेश र लुम्बिनी प्रदेशमा सामान्यदेखि पूर्ण वदली तथा बाँकी प्रदेशमा आंशिकदेखि सामान्य बदली रहने जल तथा माैसम पूर्वानुमान महाशाखाले जनाएकाे छ।
सुदूरपश्चिम प्रदेश र कर्णाली प्रदेशका धेरै स्थानहरुमा मेघ गर्जन रचटयाङसहित हल्कादेखि मध्यम वर्षाको सम्भावाना रही बाँकी प्रदेशहरुका थोरै स्थानहरुमा हल्का वर्षाको सम्भावना रहेको छ । उच्च पहाडी तथा हिमाली भूभागका धेरै स्थानमा हल्कादेखि मध्यम हिमपातको सम्भावना रहेको छ।
त्यस्तै, आइतवार राती सुदूरपश्चिम प्रदेश, कर्णाली प्रदेश, गण्डकी प्रदेश र वागमती प्रदेशमा सामान्य वदली रही प्रदेश न १, प्रदेश न २ र लुम्विनी प्रदेशमा आंशिकदेखि सामान्य बदली रहने छ।
देशका सुदूरपश्चिम प्रदेशका केही स्थानहरु र कर्णाली प्रदेश तथा गण्डकी प्रदेशका थोरै स्थानहरुमा मेघ गर्जन रचटयाङ सहित हल्का वर्षाको सम्भावाना रहनुको साथै बाँकी प्रदेशहरुका एकदुई स्थानहरुमा हल्का वर्षाको सम्भावना रहेको छ।