| 
महोत्तरीको रामगोपालपुर नगरपालिकामा रामदुलार साह विजयी
डेटूडे खबर डेस्क
०४ जेठ २०७९
जलेश्वर : महोत्तरीको रामगोपालपुर नगरपालिकामा रामदुलार साह विजयी भएका छन् ।
नेकपा एमालेबाट मेयरमा रामदुलार साह १ हजार ७६३ मतले आफ्ना निकटतम प्रतिद्वन्दी नेकपा माओवादी केन्द्रका उम्मेदवार निवर्तमान मेयर अशोक कुमार मण्डललाई पराजित गरेका हुन् ।
साहले ५३४९ मत प्राप्त गर्दै जित हासिल पारेका छन् भने प्रतिद्वन्दी मण्डलले मात्र ३५८६ मत प्राप्त गर्न सके ।
त्यस्तै उपमेयरमा एमालेकै रिना देवी यादव विजयी भएकी हुन् । उनले ४२६३ मत प्राप्त गर्दै आफ्नो निकटतम प्रतिद्वन्दी काँग्रेस कि पुष्पा देवी कुशवाहालाई ८६० मतको मतान्तरले पराजित गरिन् ।
कुशवाहाले ३४०३ मत प्राप्त गरेकी छन् । १५ वटा पालिका रहेको महोत्तरीमा २०७४ को निर्वाचनमा नेकपा एमाले एउटा पालिका समेत जित्न सकेको थिएन ।
