डेटूडे खबर डेस्क
  ०६ जेठ २०७९

                            
जनकपुरधाम । भारतका प्रख्यात संत मुरारी बापू जनकपुरधाम आगमनको तयारी पूरा भइसकेको छ ।
शनिबार  जनकपुरधाम आउने भएका हुन् । उनकाे आगमनलाई मध्यनजर गर्दै जानकी मन्दिर लगायतको क्षेत्रमा सरसफाई कार्यक्रमको आयोजना गरिएको छ ।
जनकपुरधामका मेयर प्रत्याशी मनोज कुमार साहको अगुवाईमा सरसफाई  कार्यक्रमको आयोजना गरेका  हुन्।
सो कार्यक्रममा जानकी मन्दिरको चारैतिरकाे प्रागंण सफाई गरिएको छ ।
अतिथि बापूलाई सत्कार गर्न  मिथिला संस्कारलाई  मुल नाराका साथ सरसफाई गरिएको छ।
कार्यक्रममा स्थानीय युवा,व्यवसायीहरूकाे उल्लेखनीय सहभागिता रहेको थियो ।
संत मुरारी बापूले यहाँ सप्ताह दिन सम्म रामकथा प्रवचन दिने कार्यक्रम रहेको छ । शनिवारदेखि सुरु हुने भएकाे प्रवचन कार्यक्रम जेष्ठ १५ गते सम्म चल्ने बताइएको छ ।
प्रवचन कार्यक्रमको लागि जनकपुरधामकाे तिरहुतिया गाछीमा व्यवस्थापन गरिएको छ ।