| 
निधिलाइ प्रमुख अतिथि बनाएपछि एमालेका जनप्रतिनिधिले गरे शपथ लिन बहिस्कार
डेटूडे खबर डेस्क
१२ जेठ २०७९
जनकपुरधाम । वर्तमान कुनै पदीय हैसियतामा नरहेका नेपाली काँग्रेसका नेता विमलेन्द्र निधिलाई प्रमुख अतिथि बनाएपछि जनकपुरधाममा नेकपा एमालेबाट निर्वाचित जनप्रतिनिधिहरुले शपथ ग्रहण कार्यक्रम बहिस्कार गरेका छन् ।
जनकपुरधाम उपमहानगरपालिकका नवनिर्वाचित जनप्रतिनिधिको शपथ ग्रहण कार्यक्रम आज आयोजना गरिएको थियो।
त्यसमा प्रमुख अतिथिको रुपमा कांग्रेसका पूर्व उपसभापति तथा पूर्व उपप्रधान मन्त्री निधिलाई नेपाली कांग्रेस पक्षले राखेको छ ।
स्वतन्त्रबाट मेयरमा निर्वाचित मनोज कुमार साहसहित काँग्रेसका निर्वाचित जनप्रतिनिधिले निधिलाई प्रमुख अतिथि बनाएपछि एमालेका नवनिर्वाचित जनप्रतिनिधि विरोध गर्दै शपथ ग्रहण कार्यक्रमलाई बहिस्कार गरेका हुन् ।
