| 
दल दर्ताको आज अन्तिम दिन
डेटूडे खबर डेस्क
३१ श्रावण २०७९
काठमाडौँ । आगामी मंसिर ४ गते हुने प्रतिनिधि सभा र प्रदेश सभा चुनावका लागि निर्वाचन आयोगले आह्वान गरेको दल दर्ता समय सीमा आज सकिँदै छ ।
सरकारले चुनावको मिति घोषणा गरेलगत्तै आयोगले गएको साउन २२ गतेदेखि दल दर्ता आह्वान गरेको थियो । यही साउन १९ गतेसम्म आयोगमा दर्ता कायम रहेका राजनीतिक दलले प्रतिनिधि सभा र प्रदेश सभा सदस्य चुनावमा भाग लिन आयोगमा दल दर्ता गर्नुपर्छ ।
तर हिजोसम्म मात्र ६२ दलले दर्ता गराएका छन् । आयोगमा साउन १९ गतेसम्म ११६ दल दर्ता भएकोमा तीमध्ये चुनावमा भाग लिन हिजोसम्म आयोगमा ६२ दल दर्ता भएका सहप्रवक्ता सूर्यप्रसाद अर्यालले जानकारी दिएका छन् ।ठुला राजनितिक दलमा नेकपा एमालेले दल दर्ता गरिसकेको भने नेपाली कांग्रेस र माओवादी केन्द्रले अझै दर्ता गराएका छैनन् । आज अन्तिम दिलन भएकोले आवै दल दर्ताको तयारीमा माओवादी र कांग्रेस छन् ।
दल दर्ताका लागि आयोगमा राजनीतिक पार्टीको लेखा परीक्षण प्रतिवेदन, निर्वाचन आयोगमा यसअघि भएको दर्ता नम्बर, पार्टीको महाधिवेशनको माइन्युटलगायतका कागजात पेस गर्नुपर्छ । नेपालको संविधानको धारा २७१ बमोजिम प्रतिनिधि सभा र प्रदेश सभा सदस्य निर्वाचनका लागि दल दर्ता गर्नुपर्ने प्रावधान रहेको छ ।
