| 
मधेस प्रदेशका तीनजना नेतालाई माओवादीले गर्यो कारवाही
डेटूडे खबर डेस्क
२३ कार्तिक २०७९
जनकपुरधाम । नेकपा माओवादी केन्द्रको मधेस प्रदेश कमिटीले पार्टी नीति विपरीत स्वतन्त्र उम्मेदवारी दिने, उम्मेदवारको प्रस्तावक र समर्थक बस्ने तीन जनालाई कारबाही गरेका छन्छ । मंगलबार मधेस प्रदेशका इन्चार्ज गणेश साहले पार्टीको धारण सदस्य समेत नरहनेगरी तीन जनालाई कारबाही गरेका हुन् ।
महोत्तरी क्षेत्र नम्बर १ अन्तर्गत‘ख’मा माओवादीकै भरत साह उम्मेदवार छन् । उनको विरुद्ध विष्णुबहादुर योञ्जनले स्वतन्त्र उम्मेदवारी दिएपछि कारबाही गरिएको हो । योञ्जनको प्रस्तावक बसेका पृथ्वीबहादुर बलम्पाकी र समर्थक विजयकुमार यादवलाई समेत कारबाही गरिएको छ ।
