न्यूज डेस्क
  ३० पौष २०७९

                            
वीरगञ्ज- पर्सामा रहेको विभिन्न खोलाहरूबाट अवैध रूपमा गिटीबालुवा निकाल्ने पाँच वटा ट्याक्टरसहित एक जनालाई शनिबार प्रहरीले पक्राउ गरेको छ।
इलाका प्रहरी कार्यालय पटेर्वा सुगौलीका प्रहरी निरीक्षक किशोर आचार्यको नेतृत्वमा खटिएको प्रहरी टोलीले पटेर्वा सुगौली गाउँपालिकाअन्तर्गत पर्ने गादी खोला बाट अवैध रूपमा बालुवा लोड गरेको अन टेस्ट ट्याक्टरसहित चालकलाई पक्राउ गरेको छ।
ट्याक्टरसहित चालक पटेर्वा सुगौली गाउँपालिका–२ मकवानी टोल बस्ने रोहबर माझीलाई प्रहरीले पक्राउ गरेको हो।
यसैगरी शनिबार बिहान वीरगन्ज महानगरपालिकाअन्तर्गत पर्ने भेडाहा खोलाबाट प्रहरी चौकी मिलन चौकले ना ४ त २५२९ र ना.६ त १७५९ नम्बरको दुई बटा बालुवा बोकेको ट्याक्टर नियन्त्रणमा लिएको छ ।
यसैगरी जिरा भवानी गाउँपालिका-१ म रहेको ओरिया खोला बाट ना ७ त ८५८ र ना ७ त ५५७९ नम्बरको दुई वटा ट्याक्टर प्रहरीले नियन्त्रणमा लिई आवश्यक करवाहीको लागि जिरा भवानी गाउँपालिकामा बुझाइएको ईलका प्रहरी कार्यालय सेढवाले जनाएको छ।