| 
महोत्तरीमा एमाले महाधिवेशन प्रतिनिधि छनोटमा जुटेन सहमति
डेटूडे खबर डेस्क
२७ कार्तिक २०७८
महोत्तरी, २७ कार्तिक । नेकपा एमाले महोत्तरीको महाधिवेशन प्रतिनिधि चयन गर्न बसेको बैठक आज पनि निष्कर्षबिहीन बनेको छ ।
महाधिवेशन प्रतिनिधिका आकांक्षीबीच विवाद भएपछि बैठकमा सहमति जुट्न नसकेको हो ।
सर्वसम्मतिमा चयन हुने अवस्था नदेखिएपछि आइतबार जिल्ला कार्यालयको बैठक बसेर निर्वाचन आयोग गठन गर्ने तयारी भइरहेको नेकपा एमाले महोत्तरीले जनाएको छ ।
महोत्तरीमा एमालेका लगभग १७ हजार ७ सय सदस्य रहेको र ४ वटै क्षेत्रबाट सदस्य संख्याको आधारमा विधानअनुसार महोत्तरी जिल्लाबाट २८ जना प्रतिनिधि चयन गर्नुपर्ने नेकपा एमाले महोत्तरीका इन्चार्ज टेक बहादुर बलाम्पाकीले जानकारी दिए ।
_1746715859.jpg)
