| 
धनुषामा पिकअपको ठक्करबाट एकजनाको मृत्यु
डेटूडे खबर डेस्क
२२ चैत्र २०७८
जनकपुरधाम। धनुषामा पिकअपको ठक्करबाट एकजनाको मृत्यु भएको छ ।
रौतहटको चन्द्रनिगाहपुर नगरपालिका वडा नं. ५ का ५६ वर्षीय शेरबहादुर राईको मृत्यु भएको इलाका प्रहरी कार्यालय ढल्केवरले जनाएको छ ।
आज विहान धनुषाको मिथिला नगरपालिका–११, बाहुनमारास्थित पृथ्वी राजमार्गमा सिन्धुलीबाट बर्दिबासतर्फ जाँदै गरेको प्रदेश १–०२–००२ प नम्बरको पिकअपले विपरित दिशाबाट आउँदै गरेको बा ५२ प ५१३० नम्बरको मोटरसाइकललाई ठक्कर दिँदा मोटरसाइकल चालक राईको घटनास्थलमै मृत्यु भएको हो ।
दुर्घटनामा मृत्यु भएका राईको शवलाई पोष्टमार्टमका लागि जनकपुरधाम स्थित प्रादेशिक अस्पतालमा ल्यइएको इलाका प्रहरी कार्यालय ढल्केवरका प्रहरी निरीक्षक प्रदिप सुवेदीले जानकारी दिए ।
ठक्कर दिएको पिकअप र चाकल प्रहरीको नियन्त्रणमा रहेका छन् ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
