| 
.jpg)
डेटूडे खबर डेस्क
२३ चैत्र २०७८
जनकपुरधाम । धनुषाबाट लागूऔषध सहित एक युवकलाई प्रहरीले पक्राउ गरेका छन् ।
पक्राउ पर्नेमा धनुषाको कमला नगरपालिका वडा नम्बर ५ स्थित भलुवाहा बस्ने २३ वर्षीय पंकज कुमार गुरमैता रहेका छन् ।
गुरमैताको साथबाट ४९ थान एक सय एमएलको डाइलेक्स डिसि नामक प्रतिबन्धित लागू औषध फेला परेको सशस्त्र प्रहरीले जनाएको छ ।
मंगलबार राति धनुषाको जनकनन्दनी गाउँपालिका वडा नम्बर २ स्थित बल्हागोठस्थित सीमा ईलाकामा बीओपी खजुरीबाट खटिएको सशस्त्र प्रहरीको टोलीले भारतबाट नेपाल तर्फ आउँदै गरेको ज९प ७७६ नम्बरको मोटरसाइकल सहित लागू औषध बरामद गरेको थियो ।
गुरमैतामाथि थप अनुसन्धान भइरहेको सशस्त्र प्रहरीले जनाएको छ ।
