| 
१५ हजार बोकाको बली राजदेवीको नाममा
डेटूडे खबर डेस्क
१८ असोज २०७९
जनकपुरधाम । प्रसिद्ध शक्तिपीठ राजदेवी मन्दिरमा १५ हजार बोकाको बलि चढेको छ ।
महाअष्टमीको साँझ राजदेवीमा बोका बली दिने परम्परा अनुसार सोमवार राति पौने ९ बजेबाट बलि चढाउन सुरु गरिएको थियो । बलि आज विहानसम्म चढाइएको हो ।
मेला आयोजक मध्येका महावीर यूवा कमिटीका उपाध्यक्ष महेश साहले १४ हजार ९४१ बोकाको बलि चढेको बताए । उनका अनुसार गतवर्ष १४ हजार २९१ बोकाको बलि चढेको थियो ।
बलि चढाउन मन्दिर परिसरमा ४ वटा ठेहा राखिएको थियो भने सयौं यूवा परिचालित थिए । मन्दिरमा यसवर्ष बोका बलि चढाउने र लाइन बसेको तस्वीर लिन प्रतिबन्ध लगाएको थियो ।
