| 
हराएकी बालिका मृत भेटिइन्
डेटूडे खबर डेस्क
१५ माघ २०७९
महोत्तरी । जिल्लाको लोहारपट्टी नगरपालिका–५ डठौरा गाउँबाट शनिबारदेखि बेपत्ता बनेकी एक बालिका मृतावस्थामा भेटिएकी छन् ।
हराएकी बालिकाको शव आइतबार पोखरीमा फेला परेको जिल्ला प्रहरी कार्यालयका प्रवक्ता प्रहरी नायब उपरीक्षक सन्तोषकुमार पोखरेलले बताए । स्थानीय अरुण दासकी छोरी चार वर्षीया अंशुकुमारीको शव आज बिहान १० बजे आफ्नै घर पछाडि रहेको पोखरीमा डुबेको अवस्थमा फेला परेको उनले जानकारी दिए ।
बालिका शनिबार खेल्दाखेल्दै घरबाट हराएकी थिइन् । उनलाई परिवारजन र प्रहरीले शनिबार सबैतिर खोजतलाश गरिसक्दा पनि फेला पारेका थिएनन् ।
आज उनको शव आफ्नै घर पछाडि पाेखरीमा तैरिरहेकाे रहेको अवस्थामा फेला परेको प्रहरीले जनाएकाे छ ।
