| 
सप्तरीमा आत्मदाह गरेकी महिलाको निधन
डेटूडे खबर डेस्क
०५ फाल्गुण २०७९
सप्तरीमा आज (शुक्रवार) आत्मदाह गरेकी एक महिलाको निधन भएको छ ।
आत्मदाह गर्नेमा जिल्लाको तिलाठी कोइलाडी गाउँपालिका-४ तेलियारी टोल बस्ने राजकुमार साहकी ४० बर्सिया श्रीमती राजुदेवी साह रहेकी छन् ।
घरमा कोही नभएको बेलामा घर बाहिर रहेको शौचालयभित्र आफ्नै शरीरमा आगो लगाई उनले आत्मदाह गरेकी थिइन् । उनको घटनास्थलमै निधन भएको सप्तरी प्रहरी प्रवक्ता एवं डिएसपी नरेश कुमार सिंहले केटिएम दैनिकलाई बताए ।
प्रवक्ता सिंहका अनुसार उनले आफ्नो शरीरमा प्रज्वलनशील पदार्थ शरीरमा छर्किएर आगो लगाएको खुलेको छ । आत्मदाह गर्नुको कारण खुल्न नसकेको र यस सम्बन्धमा थप अनुसन्धान भइरहेको जनाइएको छ ।
