| 
मोटरसाइकलको ठक्करबाट सात वर्षकी बालिकाको मृत्यु
डेटूडे खबर डेस्क
०८ फाल्गुण २०७९
सुनसरी । सुनसरीको हरिनगर गाउँपालिका-१ मा मोटरसाइकलको ठक्करबाट एक बालिकाको मृत्यु भएको छ । मृत्यु हुनेमा सुबोध मुखीयाकी सात वर्षीया छोरी नैना कुमारी रहेकी छिन् ।
गम्भिर घाइते बालिकाको उपचारको क्रममा गोल्डेन अस्पताल बिराटनगरमा मृत्यु भएको हो । को २५ प ८८ ०९ नम्बरको मोटरसाइकलले सडक पार गर्दै गरेकी बालिकालाई ठक्कर दिएको थियो।
ठक्कर दिने मोटरसाइकल चालक नियन्त्रणमा रहेको जिल्ला प्रहरी कार्यालय सुनसरीले जनाएको छ ।
