| 
पूर्व मन्त्री श्रेष्ठको निधन
डेटूडे खबर डेस्क
०८ फाल्गुण २०७९
काठमाडौँ । पूर्वस्वास्थ्यमन्त्री तथा प्राध्यापक डा.मथुराप्रसाद श्रेष्ठको ८८ वर्षको उमेरमा निधन भएको छ ।
श्रेष्ठको उपचारका क्रममा आज बिहान माइतीघरस्थित अन्नपूर्ण न्युरो अस्पतालमा निधन भएको हो ।
वामपन्थी बुद्धिजीवी श्रेष्ठले चिकित्सकले समुदायमै गएर उपचार गर्नुपर्छ भन्ने मान्यता बोकेका थिए । उनी लामो समयदेखि दम र छातीको सङ्क्रमणले थलिएका थिए ।
विसं २०४६ मा प्रजातन्त्रको पुनर्बहाली भएपछि बनेको सरकारमा उनी नागरिक समाजका तर्फबाट स्वास्थ्य मन्त्री थिए । उनका ६ छोरा र एक छोरी छन् ।
उनको मङ्गलवार पशुपति आर्यघाटमा दाह संस्कार गरिने पारिवारिक स्रोतले जनाएको छ ।
