| 
राष्ट्रपति पौडेल मर्माहत, शान्ति र संयमको लागि अपिल
_1757345358.jpg)
डेटूडे खबर डेस्क
२३ भदौ २०८२
काठमाडौँ । राष्ट्रपति रामचन्द्र पौडेलले देशमा हाल उत्पन्न भएको परिस्थितिबारे गम्भीर चिन्ता व्यक्त गरेका छन्। उनले ‘जेनजी’ पुस्ताले गरेको प्रदर्शनका क्रममा ठुलो सङ्ख्यामा नागरिक हताहत भएको घटनाबाट आफू मर्माहत भएको बताएका हुन्।
राष्ट्रपति पौडेलले घटनामा ज्यान गुमाएका परिवारप्रति गहिरो समवेदना र सहानुभूति व्यक्त गरेका छन्। उनले घाइतेहरूको तत्काल उपचारका लागि सरकारलाई आग्रह पनि गरेका छन्।
उनका प्रेस सल्लाहकार किरण पोखरेलले दिएको जानकारीअनुसार राष्ट्रपति पौडेलले अप्रत्याशित रूपमा भएको यो घटनाले आफूलाई चिन्तित तुल्याएको बताएका छन्। उनले वर्तमान विषम परिस्थितिलाई ध्यानमा राखेर शान्ति र संयमपूर्वक समस्याको निकास निकाल्न सबै पक्षलाई अपिल गरेका छन्।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
