| 
बेलारुसमा रुसको सैन्य अभ्यासः युद्धको खतरा झन् बढेको अमेरिकी दाबी
डेटूडे खबर डेस्क
०९ फाल्गुण २०७८
एजेन्सी । रुसले बेलारुसमा सैन्य अभ्यास बढाएको भन्दै युक्रेन माथि छिट्टै आक्रमण गर्ने अमेरिकी विदेशमन्त्री एन्टोनी बिङ्केनले दाबी गर्नुभएको छ ।
युक्रेनसँग सीमा जोडिएको मुलुक बेलारुसमा झण्डै ३० हजार रुसी सैनिक तैनाथ गरिएपछि युक्रेनमा सम्भावित युद्धको खतरा झन् बढेको र कुनै पनि बेला आक्रमण हुन सक्ने अमेरिकी दाबी छ ।
रुसले बेलारुसमा सैनिक अभ्यास बढाएपछि पूर्वी युक्रेनमा थप तनाव भएको बताइएको छ । अमेरिकी गुप्तचरहरुले अपुष्ट स्रोतबाट प्राप्त गरेको सूचना अनुसार रुसी कमाण्डरहरुले युद्धको निर्देशन दिइसकेका छन् ।
युक्रेनले भने तत्काल रुसले आक्रमण गर्न सम्भव नभएको जनाएको छ । युक्रेनले आफ्नो सीमा नजिकै कुनै पनि सैन्य गतिविधि नभएको जनाएको छ । रुसले पनि छिमेकी मुलुक युक्रेन माथि कुनै पनि आक्रमणको योजना नरहेको भन्दै अमेरिकी आरोप अस्वीकार गर्दै आएको छ ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
9 दिन पहिले
