डेटूडे खबर डेस्क
  ०६ असोज २०७८

                            
 
गण्डकी प्रदेश । प्रदेश नं. २ का मुख्यमन्त्री लालबाबु राउतलाई गण्डकी सरकारले पोखरामा न्यानो स्वागत गरेको छन् ।
गण्डकी प्रदेशका मुख्यमन्त्री कृष्णचन्द्र नेपालीको निमन्त्रणामा आज पोखरा पुगेका मुख्यमन्त्री राउतलाई गण्डकी सरकारका पर्यटन मन्त्री मणिभद्र शर्माले विमान स्थलमा स्वागत गरेका थिए ।
मुख्यमन्त्री राउतको स्वागतमा पोखरा विमान स्थलमा पञ्चकन्या सहित पर्यटन ब्यबसायीहरुको व्यापक उपस्थित रहेको थियो ।
 
विमानस्थलबाट प्रदेश सरकारको मुख्यालय पुगेका मुख्यमन्त्री राउतलाई गण्डकी प्रदेशका मुख्यमन्त्री नेपाली स्वागत गरेका थिए ।
 
सो अवसरमा दुबै प्रदेश बिचको आपसी सम्बन्ध, प्रदेश २ ले अघि सारेको लोकप्रिय कार्यक्रमहरुबारे छलफल भएको मुख्यमन्त्री राउत का प्रमुख स्वकीय सचीव जितेन्द्र कुमार यादवले जानकारी गराए ।

 
गण्डकी प्रदेश र प्रदेश नं.२ बिच पर्यटकीय सम्बन्ध बिस्तारका लागि जनकपुरधाम-पोखरा उडान शुरु गराउन दुबै मुख्यमन्त्रीले सहकार्य गर्ने सहमति समेत गरेका यादव ले जानकारी गराए ।
 
मुख्यमन्त्री राउतले समकक्षी नेपालीलाई जनकपुरधाम भ्रमणको निम्तो समेत दिएका छन् ।
मुख्यमन्त्री राउत आजै पोखराको विभिन्न पर्यटकीय स्थलको भ्रमण गरेका छन् ।