| 
सीटीईभीटी परीक्षामा अर्काको सट्टा परीक्षा दिएको आरोपमा दुई जना पक्राउ
डेटूडे खबर समाचारदाता
०८ वैशाख २०७९
८ वैशाख, जनकपुरधाम । सीटीईभीटीबाट सञ्चालित प्रि–डिप्लोमा इन सर्भे इन्जियरिङको परीक्षामा अर्काको सट्टा परीक्षा दिएको आरोपमा दुई जनालाई धनुषा प्रहरीले पक्राउ गरेको छ ।
जनकपुरधाम १ स्थित मोनाष्टिक आवासीय विद्यालयमा तोकिएको परीक्षा केन्द्रमा अर्काको सट्टामा परीक्षा दिने गणेशकमान चारनाथ नगरपालिका ५ बस्ने २२ बर्षीय रामकृष्ण साहलाई पक्राउ गरिएको धनुषा प्रहरीका प्रवक्ता एवम् डीएसपी जितेन्द्र कुमार बस्नेतले जानकारी दिए ।
उनका अनुसार साहले सर्लाहीको ब्रहमपुरी गाउँपालिका २ बस्ने २० वर्षीय लक्ष्मीनारायण झाको ठाउँमा परीक्षा दिइरहेका थिए ।
अर्कालाई लेख्न लगाएर परीक्षा केन्द्रमा घुमिरहेका झालाई पनि पक्राउ गरी दुबै जनालाई म्याद थप गरी अनुसन्धान सुरु गरिएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
