| 
गोली हानी कुमारको हत्या
.jpg)
डेटूडे खबर डेस्क
०७ जेठ २०७९
एजेन्सी । भारतको बिहार प्रान्तको बेगुसराय जिल्लामा पत्रकार सुभाष कुमारको गोली हानी हत्या गरिएको छ। घटना हुँदा सुभाष आफ्नो गाउँमा आयोजित एक कार्यक्रममा सहभागी भएर घर फर्किरहेका थिए।
घटनाको जानकारी पाउनासाथ घटनास्थलमा प्रहरी पुगेको थियो। उनीहरुले सुभाषको शवलाई कब्जामा लिएर पोस्टमार्टमको लागि पठाएका छन्। मृतक पत्रकार सुभाष आफ्ना आमाबुबाका एक्लो सन्तान थिए। उनी २० मे बेलुका गाउँमा नै आयोजित एक कार्यक्रममा सामिल हुन गएका थिए।
मांगलिक कार्यक्रमबाट राती फर्कंदा उनलाई बाटोमा ढुकेर बसेका अज्ञात व्यक्तिहरुले गोली हानेका थिए। गोली सुभाषको टाउकोमा लाग्यो र उनी त्यहीं ढले। घटनास्थल पुगेका प्रहरीले उनलाई उपचारको लागि नजिकैको प्राथमिक स्वास्थ्यकेन्द्र लगेका थिए। त्यही उनलाई मृत घोषित गरिएको थियो। हत्याराको खोजी भइरहेको र छिटै पत्ता लाग्ने प्रहरीले जनाएको छ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
9 दिन पहिले
