| 
अयोध्यामा भगवान रामको मूर्ति बनाइने देवशिला जानकी मन्दिरमा ल्याइयाे, विशेष रुपमा पूजा अर्चना गरिँदै
डेटूडे खबर डेस्क
१५ माघ २०७९
जनकपुरधाम । भारत उतर प्रदेशको अयोध्यामा भगवान रामको मूर्ति निर्माण गर्न नेपालको कालीगण्डकीबाट ल्याईएको देवशिला जनकपुरधाम आईपुगेको छ ।
शनिबार राति जनकपुरधाम ल्याइएको दुईवटा देवशिलाको आईतबार बिहान जानकी मन्दिर प्रांगणमा विशेष पूजा अर्चना गरिएको छ ।
देवशिला पूजनमा प्रतिनिधिसभा सदस्य विमलेन्द्र निधि,मधेश प्रदेशका प्रदेश प्रमुख हरिशंकर मिश्र, मुख्यमन्त्री सरोजकुमार यादव, सभामुख रामचन्द्र मण्डल, प्रतिनिधि सभा सदस्य जुली महतो लगायतले पूजा अर्चना गरेका हुन् ।
देवशिला दर्शनको लागि जानकी मन्दिर प्रांगणमा आज दिनभरि रह्ने र सोमबार बिहान पुनः पूजापाठ गरि अयोध्याको लागि हिँड्ने जानकी मन्दिरका मानमहन्थ राम तपेश्वर दासले बताए ।
अहिले दर्शनको लागि जानकी मन्दिर प्रांगणमा भक्तजनको भीड लागेको छ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
9 दिन पहिले
