| 
पाकिस्तानको एक मस्जिदमा बम विस्फोट, २८ जनाको मृत्यु
डेटूडे खबर डेस्क
१६ माघ २०७९
एजेन्सी । पाकिस्तानको पेशावर सहरको एक मस्जिदमा बम विस्फाेट हुँदा २८ जनाको मृत्यु भएकाे छ ।
पेशावरको लेडी रिडिङ अस्पतालका प्रवक्ता डाक्टर आजमका अनुसार मस्जिदमा साेमवार दिउँसो नमाजको समयमा भएको विस्फोटमा २८ जनाकाे मृत्यु भएकाे हाे । मृत्यु हुनेमा केही प्रहरीसमेत रहेका छन् । ६० जना घाइते भएकामा १० जनाको अवस्था गम्भीर रहेको पनि प्रहरीलाई उद्धृत गर्दै बीबीसीले जनाएको छ ।
विस्फाेटका कारण भवनको एउटा भाग ध्वस्त भएको र मानिसहरू भग्नावशेषमा पुरिएका अधिकारीहरूले बताएका छन्।
पाकिस्तानका विदेश मन्त्री बिलावल भुट्टो जर्दारीले आक्रमणको निन्दा गर्दै आतङ्कवाद र यसका सहयोगीहरूलाई कडाइका साथ कारबाही गरिने बताएका छन् । घटनाको जिम्मा अहिलेसम्म कसैले पनि लिएको छैन ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
8 दिन पहिले
