अमेरिकी सहयोग नियोग प्रमुख सामन्था पावर काठमाडौं आउँदै

डेटूडे खबर डेस्क
१८ माघ २०७९

काठमाडाैंँ । अमेरिकी अन्तर्राष्ट्रिय सहयोग नियोग (युएसएड) की प्रमुख सामन्था पावर नेपाल भ्रमणमा आउने भएकी छन्।

नेपालमा नयाँ सरकार बनेसँगै अमेरिकाबाट हुने याे दोस्रो उच्चस्तरीय भ्रमण हाे ।

प्रमुख सामन्था पावर नेपाल आउने तय भएको विज्ञप्तिमार्फत जनाइएको छ । उनी आइतबार काठमाडौं आइपुग्ने छन् ।

यसै सातामात्र राजनीतिक मामिलासम्बन्धी उपविदेशमन्त्री भिक्टोरिया नुल्याण्डले नेपाल भ्रमण गरेर उच्चस्तरीय राजनीतिक भेटघाट गरेकी थिइन् ।

पावरले नेपाल भ्रमणका क्रममा सबै पक्षहरूसँग भेटघाट र छलफल गर्ने यूसएआईडीले जनाएको छ ।