दुईवटा मोटरसाइकल एक आपसमा ठोक्किँदा १ युवकको मृत्यु

डेटूडे खबर डेस्क
१८ चैत्र २०८०

जनकपुरधाम । रौतहटमा दुईवटा मोटरसाइकल एक आपसमा ठोक्किँदा एक युवकको मृत्यु भएको छ । मृत्यु हुनेमा बौधिमाई नगरपालिका ४ इनर्वारीका २५ बर्षीय सुरेश पासवान रहेका छन् ।

आज बिहान परोहा नगरपालिकाको बसन्तपट्टी र लौकाहाको बिचमा दुईवटा मोटरसाइकल एक आपसमा ठोक्किँदा पासवान गम्भीर घाइते भएका थिए । गम्भीर घाइते पासवानलाई थप उपचारका लागि वीरगञ्ज पठाउँदा उपचारको क्रममा उनकाे मृत्यु भएको प्रहरीले जनाएको छ ।