मोक्षद्वारमा विकास निर्माणको कार्य तिब्र गतिमा हुदै
![](./uploads/day2daykhabar/post/2024/448919809_714826434062405_347080324952393679_n_1719823326.jpg)
डेटूडे खबर डेस्क
१८ आषाढ़ २०८१
जनकपुरधाम । जनकपुरधाम वडा नं.८ मा (अवस्थित) मोक्षद्वारमा विकास निर्माणको कार्य अहिले तिब्र गतिमा भइरहेको छ । दुई सय वर्ष पुरानो रहेको मोक्ष द्वारलाई बीचली (मधमासर) नामले पनि चिनिन्छ ।मोक्षद्वारको भौतिक संरचना निर्माणको अभियानमा लागेका युवा आदित्य ठाकुर बताउँछन् । मोक्षद्वारमा वर्षौ देखी यहाँका स्थानीय देखि लिएर वरीपरी गाउँका मान्छे शवलिएर आउँछन् र दाहसंस्कार गर्ने गर्छन तर दुःखको कुरा के हो भन्ने यहाँ विकास निर्माण तथा सरसफाईमा यहाँका स्थानीय देखी लिएर अगुवा सम्म कसैको ध्यान नगएको उनले दुःख व्यक्त गरे ।तथापी यता आएर मोक्षद्वार विकास निर्माणको अभियानमा आफु लागि परेको र यसमा मैथिलि विकास कोष जनकपुरधामका अध्यक्ष जीवनाथ चौधरी, पूर्व वडा अध्यक्ष रमेश ठाकुर, रामअशिष दास जस्ता अभिभावक वर्गको ठुलो साथ र सहयोग रहेको जसले गर्दा अहिले मोक्षद्वारको परिसर घेरावेरा गर्नका लागि पर्खाल निर्माण, शव दहनको लागि ट्रस्टको काम लगायत अन्य कार्यहरु तिब्र गतिमा भइरहेको छ ।उक्त कार्य उद्योग पर्यटन मन्त्रालय मधेश प्रदेश जनकपुरधामको विनियोजित बजेटबाट पर्यटन विकास कार्यालय धनुषाबाट भइरहेको ठाकुरले बताए । मोक्षद्वारको विकास निर्माणमा एवं मोक्षद्वारलाई सौन्दर्यिकरण गर्नका लागि सबैको भूमिका एवं साथ र सहयोगको आवश्यकता रहेको समेत बताए ।