| 
धनुषाको गोविन्दपुरमा लिच्छविकालीन अवशेष फेला
डेटूडे खबर डेस्क
२२ आषाढ़ २०८१
जनकपुरधाम । धनुषाको सबैला नगरपालिका वडा नम्बर ६ गोविन्दपुरमा भग्नावशेष अवस्थामा रहेको मठेश्वरनाथ मन्दिरको उत्खनन गर्दा आठौँ शताब्दीका लिच्छविकालीन अवशेष फेला परेका छन् ।
पुरातत्त्व विभागका पुरातत्त्वविद् प्रकाश दर्नालसहित तीन सदस्य टोलीले यही असार ७ गतेदेखि मठेश्वरनाथ मन्दिरको उत्खनन शुरु गरेको हो । उत्खनन गरिएको ठाउँमा भेटिएको सिक्का र पत्थरमा लिच्छविशैलीको ‘माना’ अर्थ आउने अक्षर भेटिएको पुरातत्त्वविद् प्रकाश दर्नालले जानकारी दिए ।
पुरातत्त्व विभागले उत्खनन गरिरहेको ठाउँमा रहेको भनिएको मठेश्वरनाथ मन्दिरको बारेमा धार्मिक ग्रन्थ रामायणमा पनि उल्लेख छ । पुरातत्त्वविद् दर्नालले भग्नावशेषको अध्ययन गर्दा प्राचीन मन्दिरको स्वरूप देखिएको बताए ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
9 दिन पहिले
