| 
सामान्य अंकले बढेको शेयरबजारमा कारोबार रकम भने घट्यो
डेटूडे खबर डेस्क
१२ भदौ २०८१
काठमाडाैँ ।
लगातार दुई दिन घटेको शेयरबजार बुधबार सामान्य अंकले बढेको छ । बुधबार ३.८ अंकले बढेर नेप्से परिसूचक २७८६.४० अंकमा पुगेको छ । नेप्से बढे पनि बुधबार कारोबार रकम भने घटेको छ । १३ अर्ब ७२ करोड ७३ लाख रुपैयाँ बराबरको कारोबार भएको छ । यसअघि मंगलबार १८ अर्बको कारोबार भएको थियो ।
बुधबार बैंकिङ उपसमूह ०.९२, होटल तथा पर्यटन ०.०९, हाइड्रोपावर ०.४९, लगानी १.०१, उत्पादन ०.०३ र अन्य उपसमूह ०.०९ प्रतिशतले बढेको छ । विकास बैंक ०.८०, फाइनान्स १.६९, जीवन बीमा ०.४४, माइक्रोफाइनान्स १.०८, निर्जीवन बीमा ०.९७ तथा व्यापार उपसमूहमा १.४३ प्रतिशतको गिरावट आएको छ ।
