वीरगञ्जबाट लागूऔषधसहित एक भारतीय युवक पक्राउ

डेटूडे खबर डेस्क
०८ फाल्गुण २०८१
वीरगञ्ज । वीरगञ्जको शंकराचार्य गेटबाट लागूऔषध चरेश र गाँजा जस्तो देखिने वस्तु सहित एक जना भारतीय नागरिक पक्राउ परेका छन् ।
पक्राउ पर्नेमा भारतको बंगाल जिल्ला नदिया थाना बधकुल्ला बजार कोलनी बस्ने २८ वर्षीय राज अधिकारी रहेकाे पर्सा प्रहरीले जनाएकाे छ ।
प्रहरीका अनुसार वीरगञ्ज महानगरपालिका-१६ स्थित शंकराचार्य गेटमा बुधबार चेक गर्ने क्रममा उनले बोकेको ब्यागमा ६ केजी ३ सय ग्रामको गाँजा र २ केजी १०० ग्रामको चरेश जस्तो देखिने वस्तु बरामद भएको हो ।
पक्राउ परेका अधिकारीविरुद्ध लागूऔषध सम्बन्धी कसुरमा थप अनुसन्धान भइरहेको छ ।