| 
अवरोधका बीच प्रमुख प्रशासकीय अधिकृत कार्यालय प्रवेश
डेटूडे खबर डेस्क
२१ चैत्र २०८१
काठमाण्डाैँ । काठमाण्डाैँ महानगरपालिकाका प्रमुख प्रशासकीय अधिृकत सरोज गुरागाईंले कार्यालय पुगेर हाजिर गरेका छन् । महानगरपालिकाकी उपमेयर सुनिता डंगोल र महानगरका कर्मचारीहरूको सहयोगमा उनले हाजिर गरेका हुन्।
साढे तीन महिनादेखि प्रमुख प्रशासकीय अधिकृतविहीन हुँदा महानगरका कर्मचारीहरूले तलब पाएका थिएनन् । यसअघि प्रमुख प्रशासकीय अधिकृत गुरागाईं कार्यालय प्रवेश गर्न खोज्दा नगर प्रहरी र कर्मचारीबीच तनाव उत्पन्न भएको थियो । कर्मचारी र जनप्रतिनिधिले घेराउमा राखेर गुरागाईंलाई कार्यकक्षतिर लगेका थिए ।
महानगरपालिकाका मेयर बालेन्द्र शाहको निर्देशनमा प्रमुख प्रशासकीय अधिकृतको कोठामा तालासमेत लागाइएको थियो तर कर्मचारीहरूले ताला फोडेर गुरागाईंलाई हाजिर गराएका हुन् । मेयर शाहले गएकाे पुस ७ गतेदेखि गुरागाईंलाई बिदामा राखेका थिए।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
वीरगञ्जको बाल सुधारगृहमा नाराबाजी, आधारभूत आवश्यकता समेत उपलब्ध नगराएको बालकहरुकाे आरोप
समाचार, मधेश प्रदेश
3 दिन पहिले
_1743156521.jpg)