डेटूडे खबर डेस्क
  २३ जेठ २०८२

                            
जनकपुरधाम ।नेपाली कांग्रेसका सभापति एवं पूर्व प्रधानमन्त्री शेरबहादुर देउवाले मधेस प्रदेशको नाम जनक प्रदेश वा जानकी प्रदेश भएको भए उपयुक्त हुन्थ्यो बताएका छन् ।
मैथिली विकास कोषको नवनिर्मित भवनको शुक्रवार आज उद्घाटन गर्दै देउवाले यस्ताे बताएका छन् ।
उनले भने ऐतिहासिकरुपमा जनकपुरधाम, धार्मिक तथा सांस्कृतिकरुपले भरिएकाे उल्लेख गर्दै यस्तो प्रतिक्रिया दिएका हुन्।  जनक नगरी ‘जनकपुरधाम सीताको जन्मस्थल , सीतारामको विवाहस्थल समेत रहेकाेले "जनक प्रदेश वा जानकी प्रदेश" नामले याे क्षेत्रको ऐतिहासिक, धार्मिक र सांस्कृतिक पहिचान झन् सशक्त रूपमा प्रतिबिम्बित गर्थ्यो भन्ने  बताएका हुन्।
परम्परागत  मैथिली कला, संस्कृती र परम्परा झल्किन‍े नृत्य तथा संगीत प्रस्तुति, संस्कृति पहिरन र प्रदर्शनी कार्यक्रममा देखिएकाे थियाे । कार्यक्रममा कोषका अध्यक्ष जिवनाथ चौधरी,विभिन्न राजनितिक दलका नेताहरु, पत्रकार र साहित्यकारहरुकाे उपस्थिती रहेकाे थियो ।