| 
बसले ठक्कर दिँदा एक पैदल यात्रीको मृत्यु
डेटूडे खबर डेस्क
२३ कार्तिक २०८२
बागमती । पूर्वपश्चिम राजमार्गअन्तर्गत मकवानपुरको हेटौँडा उपमहानगरपालिका-९ मास्टर चोकमा गए राति यात्रुवाहक बसको ठक्करबाट एक पैदल यात्रीको मृत्यु भएको छ ।
जनकपुरबाट काठमाडौँतर्फ गइरहेको बाप्र०३-००१ख २६५६ नम्बरको यात्रुवाहक बसले ठक्कर दिँदा पैदलयात्री रुपन्देहीको देवदह नगरपालिका-८ का ३७ वर्षीय रामबहादुर बोहराको मृत्यु भएको मकवानपुर जिल्ला प्रहरी कार्यालयका प्रवक्ता प्रहरी नायब उपरीक्षक पुष्कर बोगटीले जानकारी दिए ।
बसको ठक्करबाट गम्भीर घाइते बोहरालाई उद्धार गरी उपचारका लागि हेटौँडा अस्पताल पठाइएकामा तत्काल चिकित्सकले मृत घोषणा गरेको प्रहरी नायब उपरीक्षक बोगटीले बताए । ठक्कर दिने बस र चालक महोत्तरीको रामगोपालपुर नगरपालिका-६ का ३३ वर्षीय सुजयकुमार सिंहलाई नियन्त्रणमा लिई थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
_1762677968.jpg)
_1762675738.jpg)
विश्वासको मत नपाउने भएपछि मधेशका मुख्यमन्त्री जितेन्द्र सोनलले दिए राजीनामा
समाचार, मधेश प्रदेश, राजनीति
23 घन्टा पहिले
