रोकिराखेको ट्रकमा ठोक्किँदा मोटरसाइकल चालकको मृत्यु

सर्लाही- सर्लाहीको बागमती नगरपालिका–२ नयाँरोड बरहथवा सडकखण्डमा मोटरसाइकल दुर्घटना हुँदा एकजनाको मृत्यु भएको छ ।

प्रहरीका अनुसार दुर्घटनामा मृत्यु हुनेमा मोटरसाइकल चालक गोडैता नगरपालिका –४ बस्ने ३२ वर्षीय विश्वजित हजारी रहेका छन् ।

गएराति पौने १ बजे बाटोको छेउमा बिग्रिएर रोकिराखेको ट्रकमा प्रदेश ०३–००४ प १५९३ नम्बरको मोटरसाइकल ठोक्किँदा उनको मृत्यु भएको प्रहरीले जनाएको छ ।