टी–२० विश्वकप क्रिकेट : दक्षिण अफ्रिका र वेष्टइन्डिज तथा पाकिस्तान र न्युजिल्यान्ड खेल आज हुँदै

डेटूडे खबर डेस्क
०९ कार्तिक २०७८

जनकपुरधाम । आईसीसी टी–२० विश्वकप क्रिकेटमा आज दक्षिण अफ्रिका र वेष्ट इन्डिज तथा पाकिस्तान र न्युजिल्यान्ड खेल्दैछन् ।

दुबईमा दक्षिण अफ्रिका र वेस्ट इन्डिजबीचको खेल दिउँसो पौने ४ बजे र पाकिस्तान र न्युजिल्यान्डबीचको खेल राति पौने ८ बजे सुरु हुनेछ ।

समूह १ मा रहेका दक्षिण अफ्रिका र वेस्ट इन्डिज पहिलो जितमा खोजीमा हुने छन् ।

पहिलो खेलमा दक्षिण अफ्रिका अष्ट्रेलियासँग ५ विकेटले पराजित भएको थियो । वेस्ट इन्डिजलाई इङ्ग्ल्यान्डले ६ विकेटले हराएको थियो ।

भारतसँग पहिलो खेल जितेको पाकिस्तान दोस्रो खेलमा जित निकाल्ने योजनामा रहेको छ ।

पाकिस्तानले पहिलो खेलमा भारतलाई १० विकेटले हराएको थियो । न्युजिल्यान्ड भने विजयी सुरुआत गर्ने योजनामा हुनेछ । न्युजिल्यान्डको यो पहिलो खेल हो ।