डेटूडे खबर डेस्क
  १३ मंसिर २०८२

                            
सुर्खेत ।  सवारी दुर्घटनामा पत्रकार वीरेन्द्र आचार्यको मृत्यु भएको छ । वीरेन्द्रनगर नगरपालिका–२ मा गएराति भएको सवारी दुर्घटनामा आचार्यको मृत्यु भएको हो । 
वडा कार्यालय अगाडि मोटरसाइकल र स्कुटर एकआपसमा ठोक्किँदा ३४ वर्षीय  पत्रकार आचार्य गम्भीर घाइते भएका थिए ।  उपचारको लागि उनलाई प्रदेश अस्पताल सुर्खेत लगिएको थियो । अस्पतालले उनलाई मृत घाषणा गरेको जिल्ला प्रहरी कार्यालय सुर्खेतले जनाएको छ ।
आचार्य रेडियो तिला आवाज, कालिकोटका स्टेसन म्यानेजर तथा प्रेस सेन्टर कालिकोटका अध्यक्ष समेत थिए ।
दुर्घटना मुलपानीबाट भुरेलीतर्फ जाँदै गरेको कर्णाली प्रदेश ०२००३ प १७४४ नम्बरको मोटरसाइकल ९चालक– २३ वर्षीय यामबहादुर शाही० र आचार्य सवार लुम्बिनी ३६ प ३८८६ नम्बरको स्कुटर एकआपसमा ठोक्किँदा भएको प्रहरीले जनाएको छ ।
दुर्घटनामा मोटरसाइकल चालक शाही पनि घाइते भएका छन् । उनको टाउको तथा शरीरका विभिन्न भागमा चोट लागेको छ । उनको प्रदेश अस्पताल सुर्खेतमा उपचार भइरहेको छ ।