| 
दल दर्ताका लागि आज अन्तिम दिन : अहिलेसम्म १०८ वटा दल दर्ता
डेटूडे खबर डेस्क
१४ मंसिर २०८२
काठमाडाैँ ।
निर्वाचन आयोगले चुनावमा भाग लिन दल दर्ताका लागि आह्वान गरेअनुसार आज अन्तिम दिन रहेको छ ।
आयोगले प्रतिनिधिसभा सदस्य चुनावका लागि दल दर्ता गर्ने समय गएको मंसिर १ देखि १० गतेसम्म तोकेकोमा थप चार दिन थप गरेको थियो ।
थपिएको अवधि आज अन्तिम हो । त्यसअनुसार अस्ति शुक्रवारसम्म चुनावमा भाग लिन आयोगमा दर्ता भएका दलहरुको सङ्ख्या एक सय आठ वटा पुगेको छ ।
निर्वाचन आयोगका प्रवक्ता नारायणप्रसाद भट्टराईका अनुसार चुनाव प्रयोजनका लागि दर्ता हुने दलको सङ्ख्या कांग्रेस, एमालेसहित एक सय आठ वटा पुगेको छ । आज पनि केही दल थपिन सक्ने अनुमान छ । दर्ता भएका दलहरुले आउँदो फागुन २१ का लागि तोकिएको चुनावमा भाग लिन पाउनेछन् ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
कुनै पनि धर्म वा समुदायलाई होच्याउने मेरो नियत होइन, छैन : प्रधानमन्त्री सुशीला कार्की
समाचार, राजनीति
12 घन्टा पहिले
