| 
टी–२० विश्व कप : अफगानिस्तानले नामिबियालाई ६२ रनले हरायाे
डेटूडे खबर डेस्क
१४ कार्तिक २०७८
जनकपुरधाम । आईसीसी टी–२० विश्व कप क्रिकेटमा अफगानिस्तानले नामिबियालाई ६२ रनले हराएको छ ।
आबुधाबीमा अफगानिस्तानले दिएको एक सय ६१ रनको लक्ष्य पछ्याएको नामिबिया नौ विकेट गुमाएर ९८ रनमा समेटियो । उसका लागि डेभिड वाइजले सर्वाधिक २६ रन बनाए । बलिङतर्फ अफगानिस्तानका नभीन–उल–हक र हमिद हसनले तीन/तीन विकेट लिए
यसअघि टस जितेर पहिले ब्याटिङ गरेको अफगानिस्तानले २० ओभरमा पाँच विकेट गुमाएर एक सय ६० रन बनायो । उसका लागि मोहम्मद शेहजादले ४५, हजरतुल्लाह जाजाईले ३३ र कप्तान मोहम्मद नाबीले नटआउट ३२ रन बनाए । बलिङतर्फ नामिबियाका लाेफ्टी एटन र रुबेन ट्रमप्लेमानले दुई/दुई विकेट लिए ।
नामिबियाको दुई खेलमा दुई अङ्क मात्रै छ । अफगानिस्तान भने तीन खेलमा चार अङ्क जोडेर दोस्रो स्थानमा छ । अफगानिस्तानको सेमिफाइनल पुग्ने सम्भावना कायमै छ । यो समूहकाे पाकिस्तान ६ अङ्कका साथ शीर्ष स्थानमा छ ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
विद्यापति ट्रष्टद्वारा स्मृति पर्वमा दर्जनौ श्रष्टा सम्मानित
समाचार, समाज, मधेश प्रदेश, धर्म-संस्कृति, राम्रो नेपाल
9 दिन पहिले
