| 
मधेस प्रदेशका ज्येष्ठ नागरिकलाई सम्मानित
डेटूडे खबर डेस्क
०७ फाल्गुण २०७८
जनकपुरधाम । मधेस प्रदेशका सरकारले ८० जना ज्येष्ठ नागरिकलाई सम्मानित गरेको छ ।
मधेस प्रदेशका राजधानी जनकपुरधामस्थित भान्छा घर हाेटलमा आयाेजीत शनिबार जेष्ठ नागरिक सम्मान कार्यक्रममा प्रदेशका महिला, बालबालिका, मन्त्री बिरेन्द्रप्रसाद सिंहले ज्येष्ठ नागरिकलाई आर्थिक सहयोगका साथै सम्मान प्रदान गर्नुभएको हो ।
प्रदेशका आठवटै जिल्लाका प्रत्येक जिल्लाबाट दश–दश जना आर्थिक सहयोग प्राप्त गर्नुभएको छ । ज्येष्ठ नागरिकलाई जनही दोसल्ला एवं सम्मानस्वरुप नगद ६ हजार रुपियाँ सिंहले प्रदान गर्नुभएको छ ।
५ हजार सम्मानस्वरुप र १ हजार गाडी भाडा खर्च गरी जम्मा ६ हजार रुपियाँ प्रदान गरिएको प्रदेश सरकारले जनाएको छ ।
प्रत्येक जिल्लाका ५ जना महिला ५ जना पुरुष गरी १० जनालाई सम्मान प्रदान गरिएको छ। कार्यक्रममा महिला, बालबालिका, मन्त्री सिंहले ज्येष्ठ नागरिकका लागि प्रदेश सरकारबाट आवश्यक सहयोग अझ गर्ने बताउनुभयो ।
यो खबर पढेर तपाईलाई कस्तो महसुस भयो ?
फेसबुकबाट तपाईको प्रतिक्रिया !
सम्बन्धित पोस्ट
